Açılmasın səhər

(Nəqarət: PRoMete)
Açılmasın səhər
Oyanmasın şəhər
Boş qalsın yollar
Mən küçələrdə tək nəfər (x2)

(verse: Qaraqan)
Şəhər indi tamam boşdu
Bu gecə mənə çox xoşdu
Mən unutmuşam dərdi və kədəri
Bu gecə şəhərin tək qonağıyam mən
Gecə şaxtalı asfalt yaşdır
Hamı yorğun qayıdıb evə işdən
Amma mən gəzirəm, mən qaçıram
Mən qanadlarımı açıb, uçuram göyə
Qaranlıq gecə, döyünür ürək
Sevinirəm lap uşaqtək
Qaranlıq gecə, bomboş küçə
Məni biraz bərk qucaqla
Bu gün oyaq qalacam səhərə kimi
Onun gözləri çıxmır ağlımdan heç
İçimdə sevgi səhərə kimi
Bu gecə gəldi ondan ilk sms

(Nəqarət: PRoMete)
Açılmasın səhər
Oyanmasın şəhər
Boş qalsın yollar
Mən küçələrdə tək nəfər (x2)

(verse: PRoMete)
Hər nəfər keçər gecə fərqi yoxdu
Əsas olsun bu küçə, bu şəhər
Sıxsa da problemlər gündüzlər
Gül üzə, çıx üzə gecələr
Gecəni keçirdəcəm bu gün şəhərdə
Gücümü yığıb, yaxa qurtaracam kədərdən
Qulağa qulaqcıq, yeni bir tip Hip-Hop
Yoxlayacam telefonun display'ində
Hərdən ki, birdən bu mübahisəni boş bilib keçdin
Əslində bütün bu olanlar bizim məhəbbətin fonunda heçdi
Sadəcə sözümüz boğazdan keçmir
Bəs edər deyib çıxmışam evdən
Mən bilirəm, kobud oluram hərdən mən
Amma dözülməzdi onun nazı da
Cavabsız neçənci sms'i yazıram

(Nəqarət: PRoMete)
Açılmasın səhər
Oyanmasın şəhər
Boş qalsın yollar
Mən küçələrdə tək nəfər (x2)

(verse: AiD)
Çəkilin, mənim bu gecə artıb hisslərim
Göndərilənlər dolub, amma heç nə silmədim
Gələnlər qutusu hələ ki, bomboş
Boş gecəni pozur bu intizar
Yadına indi sal, artıq 1di saat
Yazacaqsansa, uzatma, indi yaz
Telefondan səs, gecədən yeni nəfəs gəldi
Ekrana adı, ürəyimə isə həvəs gəldi
Oxudum hər cümləni təəccüblə
Mən anladım, artıq niyə çürüdüm mən
Gün başlıyandan niyəsə hər şey tərs gəlir
Onun sevgi sms'i mənə səhv gəlib

(Nəqarət: PRoMete)
Açılmasın səhər
Oyanmasın şəhər
Boş qalsın yollar
Mən küçələrdə tək nəfər (x2)

Sonu görünmüyən yol

(verse: PRoMete)
Hər sətir sanki bahalı bir almaz
İçimin dərinliklərindən yazıram almost
Kick snare, hi-hat, bir də bass
Bəs edir ki, mən yazım sətir və yazım səs
Amma bəs eləmir hərdən bir bitki
Qarşısı alınsın hansısa itki
Bu istedaddır, vərdiş yoxsa vergi
Kim bilir ki, ki, kim bilir ki,
Qara-qura vərəqləri toplasam yataq otaqımdan
Metenin səsi əskik olmaz qulağından
Bu mahnılar hərəsi bir uşağım
Mən tez-tez ata oluram
İlham pəriləri sevgililərim
Sətirlərin izləri həyatlarda dərin
Qayda-qanunlar maneələrdi
Amma çoxdan aşmışam bu çəpəri

(Nəqarət: PRoMete)
Həyat yoldur sonu görünməyən
Gedirəm mən üstündə sürətlə
De, kim var ki, əvəz edilməyən
Sadəcə addımla diqqətlə

(verse: PRoMete)
Neçə-neçə vərəqi qələmin diyircəyinə
Poligon elədim, səsim əsmədi
Nə canlı, nə də monoton tonumu dinləmiyib hələ heç kim
İlhamım elə həyatın özüdü
Onu gətirmir nə otlar, nə də ki, içki
Və o kəs ki, deyir ki, Mete indi bitirəcək sürəti
Qoy dinləsin gözünü açıb, üzünü aşağı əyəcəyi şiddəti
Səhnə darıxmır, əgər mən onda
Kütlə darıxmır, əgər mən onla
Əllər də havadadı, yellənir sağa-sola
Səhnədə Mete, mən hegemonam

(Nəqarət: PRoMete)
Həyat yoldur sonu görünməyən
Gedirəm mən üstündə sürətlə
De, kim var ki, əvəz edilməyən
Sadəcə addımla diqqətlə

Bayraq

(verse: Qaraqan)

Salam, üç rəngli bayraq, mən yalançıyam

Mən ancaq bayram günlərində sevirəm səni

Əzbər bilirəm yüz fahişənin nömrəsini

Amma çoxdan unutmuşam himnimizin sözlərini

Xaricə gedəndə deyirəm ki, guya Türkiyədənəm

Mən utanıram Azərbaycan sözünü işlətməkdən

Erməni diasporası soyqırımlar uydurduqca

Mən Bakıda məşğulam ancaq qız fırlatmaqla

Ya da ki, çayxana, qeybət dalıyca qeybət

Sevmək əvəzinə millətimə eləyirəm nifrət

Rüşvətxor müəllimlərin savadsız tələbəsi

Qeyrətin məğlubiyyəti, fastfood'un qələbəsi

Mən baxıram ancaq səviyyəsiz verlişlərə

Əttökən aparıcılar, səviyyəsiz müğənnilərə

Mən indi yaşayıram sms və mms'lə

Çoxdan unutmuşam nədir kişi kimi üzbəüz söhbət

Salam, bayraq, mən sənin nankör övladın

Yüz yola əl atıram əsgərlikdən qaçmaqçün

Sən mənə verdin həyat, mənə verdin azadlıq

Yaxşı, bəs mən nə eləmişəm sən bayraqçün

Mənə lazımdı toppuş bacılar və toyxanalar

Amma toz altında məhv olur böyük kitabxanalar

Mənə lazımdı falçılar, bir də ki, fahişələr

Bir də lazımdı, isti, duzlu paçka dollar

Mən sənə layiq deyiləm, ey, üç rəngli bayraq

Mənim çoxdan vecimə deyil Qarabağ

Beynimdə ancaq pul yığmaq yastıq altına

Birinci telefonu dəyişmək, ikinci maşın almaq

Mən vergi verməməkçün evə naqil çəkdirirəm

20 Yanvar'da baxıram MTV'yə internetdən

Düşmənin ermənidi sənin, ey, üç rəngli bayraq

Amma sənin nankor oğlun bu gün pisdir ermənidən

(Nəqarət: Qaraqan)

Bağışla, bayraq, ola bilmədim sənin qəhrəmanın

Bağışla, yağır yağışlar, qanlı yağışlar

Bağışla, xalqım, ola bilmədim sənin qəhrəmanın

Bağışla, yağır yağışlar, qanlı yağışlar

(verse: Qaraqan)

Bağışla məni bayraq, bağışla məni torpaq

Mənim ən böyük arzum köçmək burdan, Green Card

Bağışla məni millət, bağışla məni xalq

Mən unutmuşam nədir vətəndaş olmaq

Bağışla məni ana, mən tərbiyəsiz böyüdüm

Sən mənim gələcəyimi tamam başqa cür görürdün

Bağışla məni ata, kişilik dəbdə deyil

O vaxt Qarabağda sən heç nə üçün döyüşürdün

Bağışla məni Allah, mənim dinim Vercace

Məscidim bar, peyğəmbərlərim ulduzlar

Bağışla məni Tanrı, mən günahkar insan

Qaranlıq səmamda parlamır ulduzlar

Bağışla məni həyat

Mən yaşadım ancaq yatmaqçün, gəzməkçün, doymaqçün

Bağışla məni bayraq

Bağışla məni bayraq, sənə yazdığım mahnını da yazdım məhşur olmaqçün